IND W vs SA W 1st Test Day 1 – भारताची नवोदित आणि युवा सलामीवीर शफाली वर्माने झळकावलेले विक्रमी द्विशतक, तिची साथीदार स्मृती मानधना हिने झोडपलेल्या 149 धावा, मधल्या फळीतील फलंदाज जेमिमा राॅड्रिग्जने केलेले अर्धशतक आणि त्यांना मिळालेली हरमनप्रीत कौर आणि रिचा घोष यांची समर्थ साथ यामुळे भारतीय महिला संघाने दक्षिण आफ्रिकेविरुद्धच्या एकमेव कसोटीत पहिल्या दिवशीच 4 बाद 525 धावा करत जागतिक विक्रमाची नोंद केली.
नाणेफेक जिंकून भारताची कर्णधार हरमनप्रीत कौरने प्रथम फलंदाजीचा निर्णय घेतला आणि चेपाॅकच्या खेळपट्टीवर एकामागून एक विक्रमांचे इमले रचले गेले. शफाली आणि स्म्र्तीने दक्षिण आफ्रिकेच्या एकाही गोलंदाजाला ताकास तूर लागू न देता आपल्या आक्रमक खेळीने मैदानावर सळो की पळो करुन सोडले. या दोघींनी पहिल्या विकेटसाठी 312 चेंडूंत 292 धावांची विक्रमी भागिदारी रचली. त्यामध्ये स्मृती मानधनाच्या 149 (27 चौकार, 1 षटकार) धावांचे योगदान राहिले तर शफालीच्या 141 धावा महत्त्वपूर्ण ठरल्या.
That’s Stumps on Day 1 of the #INDvSA Test!
A record-breaking & a run-filled Day comes to an end as #TeamIndia post a massive 525/4 on the board! 👏 🙌
Scorecard ▶️ https://t.co/4EU1Kp7wJe@IDFCFIRSTBank pic.twitter.com/ELEdbtwcUB
— BCCI Women (@BCCIWomen) June 28, 2024
स्मृती डेल्मी टकरच्या गोलंदाजीवर एनेरी डेरेकसनककडे झेल देऊन बाद झाली. स्मृती बाद झाल्यानंतर आलेल्या जेमिमा राॅड्रिग्जच्या साथीत शफालीने आपले द्वीशतक पूर्ण केले. शफालीने आपल्या 197 चेंडूंतील 205 धावांत 21 चौकार आणि तब्बद आठ उत्तुंग षटकार खेचले. शफालीने ऑस्ट्रेलियाच्या एनाबेल सदरलँडचा द्विशतकाचा विक्रम मोडीत काढला. सदरलँडने फेब्रुवारीमध्ये दक्षिण आफ्रिकेविरुद्धच्या कसोटीत 248 चेंडूंत द्वीशतकी कामगिरी केली होती. कसोटी क्रिकेटमध्ये द्विशतक ठोकणारी मिताली राजनंतर 20 वर्षीय शफाली ही दुसरी भारतीय महिला क्रिकेटपटू ठरली. ऑगस्ट 2002 मध्ये टाँटन येथे इंग्लंड विरुद्धच्या अनिर्णित झालेल्या दुसऱ्या कसोटीत मितालीने 407 चेंडूत 214 धावा केल्या होत्या.
तसेच एका दिवसात सर्वाधिक धावा करण्याचा 89 वर्षांतला विक्रमी टप्पाही भारताने 94 धावांनी मोडला. इंग्लंडच्या महिलांनी 1935 मध्ये लँकेस्टर पार्क, क्राइस्टचर्च येथे न्यूझीलंडविरुद्ध 431/2 अशी मजल मारली होती. एका दिवसात सर्वाधिक धावा करण्याचा हा विक्रम आजवर अबाधित होता. या युवा सलामीवीराची कसोटीमध्ये मागील सर्वोत्कृष्ट धावसंख्या 96 होती. केवळ पाचव्या कसोटीमध्ये खेळणाऱ्या या हार्ड हिटिंग फलंदाजाने तिच्या ऐतिहासिक खेळीत गोलंदाजांची पुरती दमछाक केली.
शफाली आणि मानधना यांनी फलंदाजीसाठी निवडलेल्या परिचित परिस्थितीचा आणि गोलंदाजांच्या अननुभवीपणाचा फायदा घेत सुरुवातीच्या सत्रातच पाहुण्यांना बॅकफूटवर ढकलले. या जोडीने लंच ब्रेकमध्ये बिनबाद 130 अशी बाजू नेली आणि एकदा सोपी खेळपट्टी आणखी हलकी झाल्यावर या जोडीने एका चेंडूवर अक्षरशः एकेक धाव घेत आनंद व्यक्त केला. दोघांनी जवळपास एकाच वेळी आपली शतके झळकावली आणि संघाची एकूण धावसंख्या 250 च्या पुढे गेली. स्मृती मानधनाची याआधीची सर्वोत्तम धावसंख्या 127 होती.
या फॉरमॅटमध्ये कोणत्याही विकेटसाठी भारताची ही सर्वोच्च भागीदारी ठरली. महिलांच्या कसोटीतील कोणत्याही विकेटसाठी ही दुसरी सर्वोच्च भागीदारी होती. 1987 मध्ये वेदरबी येथे इंग्लंडविरुद्ध तिसऱ्या विकेटसाठी 309 धावा करणाऱ्या ऑस्ट्रेलियाच्या एलए रीलर आणि डीए एनेट्स यांच्या नावावर हा विश्वविक्रम होता.
शेफालीची पुढची जोडीदार सतीश शुभा (15) ही केवळ 27 चेंडू टिकली आणि तिला नदिन डी क्लर्कने परत पाठवले. त्यानंतर शफालीला जेमिमाह रॉड्रिग्स (55) हिची साथ मिळाली. जेमिमासोबत खेळल्यानंतर शफालीचा क्रीजवरील मुक्काम संपला. जेमिमाने तिसरे कसोटी अर्धशतक झळकावले, त्यानंतर लगेचच, टकरला बाद होण्यापूर्वी, भारताने 450/4 पर्यंत मजल मारली.
Paris Olympics 2024 : हरमनप्रीतच राहणार कर्णधार, ऑलिम्पिकसाठी भारताचा पुरुष हॉकी संघ जाहीर…
अखेरीस कर्णधार हरमनप्रीत कौर (नाबाद 42) आणि रिचा घोष (नाबाद 43) यांनी पुढील जबाबदारी समर्थपणे स्वीकारल्यामुळे आणखी पडझड झाली नाही.
डेल्मी टकरने सर्वाधिक 2 विकेट्स घेतल्या. पण त्यासाठी तिला 141 धावांचे मोल द्यावे लागले. तर नादीन डी क्लार्कने 60 धावांत एक विकेट घेतली. एक फलंदाज धावबाद झाली. दिवसभरात 98 षटकांचा खेळ झाला आणि त्यामध्ये भारताची सरासरी धावगती 5.35 होती.