India vs Zimbabwe T20I Series 2024 : झिम्बाब्वेविरुद्धच्या आंतरराष्ट्रीय टी-20 मालिकेसाठी भारतीय क्रिकेट संघ हरारेला रवाना झाला आहे. या मालिकेतील पहिला सामना 6 जून रोजी होणार आहे. मात्र, यादरम्यान अचानक एक मोठी बातमी समोर आली आहे. बीसीसीआयकडून संघात बदल करण्यात आले आहेत.
पहिल्या दोन T20 सामन्यांसाठी भारतीय संघात बदल
भारत आणि झिम्बाब्वे यांच्यातील पाच सामन्यांच्या मालिकेसाठी भारतीय संघाची घोषणा आधीच करण्यात आली होती. ज्याचे कर्णधारपद शुभमन गिलकडे देण्यात आले होते. दरम्यान, या मालिकेसाठी 2024 च्या टी-20 विश्वचषक स्पर्धेत चॅम्पियन झालेल्या संघातील एकूण 5 खेळाडूंचीही निवड करण्यात आली आहे. पण भारतीय संघ वादळामुळे अजूनही बार्बाडोसमध्येच अडकला असून, भारतात आलेला नाही. त्यामुळे संघात अचानक बदल करणे बीसीसीआयला भाग पडले आहे.
🚨 NEWS 🚨
Sai Sudharsan, Jitesh Sharma and Harshit Rana added to India’s squad for first two T20Is against Zimbabwe.
Full Details 🔽 #TeamIndia | #ZIMvINDhttps://t.co/ezEefD23D3
— BCCI (@BCCI) July 2, 2024
बीसीसीआयचे सचिव जय शाह यांनी सांगितले की, साई सुदर्शन, जितेश शर्मा आणि हर्षित राणा यांचा पहिल्या दोन टी-20 आंतरराष्ट्रीय सामन्यांसाठी संघात समावेश करण्यात आला आहे. हे खेळाडू संजू सॅमसन, शिवम दुबे आणि यशस्वी जैस्वाल यांची जागा घेतील. असे सांगण्यात येत आहे की, हे तीन खेळाडू प्रथम संपूर्ण संघासह भारतात येतील आणि त्यानंतर मालिका खेळण्यासाठी हरारेला रवाना होतील.
नवीन निवडलेले खेळाडू लवकरच होतील रवाना..
दरम्यान, भारतीय संघ या मालिकेसाठी रवाना झाल्याची बातमी आहे. मात्र, गेलेल्या संघात कर्णधार शुभमन गिलचा समावेश नाही. शुभमन गिल सध्या अमेरिकेत असून तेथून तो थेट संघात सामील होणार असल्याची बातमी समोर येत आहे. यावेळी संघाच्या मुख्य प्रशिक्षकाची जबाबदारी व्हीव्हीएस लक्ष्मण यांच्याकडे देण्यात आली आहे. राहुल द्रविडचा कार्यकाळ संपल्याने आणि बीसीसीआयने अद्याप नवीन मुख्य प्रशिक्षकाच्या नावाची घोषणा न केल्यामुळे असे करण्यात आले आहे. दरम्यान, या मालिकेसाठी निवड झालेले नवे खेळाडू लवकरच हरारेला रवाना होतील, असे मानले जात आहे, कारण पहिला सामना 6 जुलैपासून सूरू होणार आहे.
झिम्बाब्वे विरुद्धच्या पहिल्या आणि दुसऱ्या T20 सामन्यांसाठी भारतीय संघ : शुभमन गिल (कर्णधार), रुतुराज गायकवाड, अभिषेक शर्मा, रिंकू सिंग, ध्रुव जुरेल (यष्टीरक्षक), रियान पराग, वॉशिंग्टन सुंदर, रवी बिश्नोई, आवेश खान, खलील अहमद, मुकेश कुमार, तुषार देशपांडे, साई सुदर्शन, जितेश शर्मा (विकेटकीपर) कीपर), हर्षित राणा.